Sjúkraþjálfari - fjölbreytt starf innan geðþjónustu Landspítala

19.11.2021

Viltu vinna í þverfaglegu samstarfi innan geðþjónustu Landspítala, vera hluti af liðsheild sem starfar í skemmtilegu umhverfi og tekst á við fjölbreyttar áskoranir?

Viltu vinna í þverfaglegu samstarfi innan geðþjónustu Landspítala, vera hluti af liðsheild sem starfar í skemmtilegu umhverfi og tekst á við fjölbreyttar áskoranir?

Hér gefst tækifæri fyrir áhugasaman og sjálfstæðan sjúkraþjálfara að öðlast þekkingu innan þessa fjölbreytta sviðs. Miklir möguleikar eru á að þróa starf sjúkraþjálfara innan geðsviðs og vera leiðandi í umbótastarfi. Sérstök áhersla er lögð á einstaklings- og batamiðaða þjónustu sem og virkt samstarf við aðstandendur.

Starfshlutfall er 100% eða eftir samkomulagi. Unnið er í dagvinnu og er upphaf starfs samkomulagsatriði.

Vinnuvika starfsfólks í fullri dagvinnu er nú 36 stundir. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.

Helstu verkefni og ábyrgð

  • Skoðun, mat og meðferð
  • Skráning í sjúkraskrárkerfi
  • Fræðsla til sjúklinga og aðstandenda
  • Þátttaka í þverfaglegu samstarfi/ teymi
  • Þátttaka í fagþróun


Hæfnikröfur

  • Íslenskt starfsleyfi sem sjúkraþjálfari
  • Hæfni í mannlegum samskiptum og jákvætt viðmót
  • Skipulagshæfni, frumkvæði og sjálfstæði í vinnubrögðum
  • Íslenskukunnátta
  • Reynsla og áhugi á sálvefrænni nálgun æskileg

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag sjúkraþjálfara hafa gert.
Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

STARFSHLUTFALL 100%
UMSÓKNARFRESTUR TIL OG MEÐ 10.12.2021

NÁNARI UPPLÝSINGAR
Ída Braga Ómarsdóttir, idabraga@landspitali.is , 543 9104

Sækja um starfið