Sjúkraþjálfari – spennandi starf á bráðasjúkrahúsi

15.06.2022

Sjúkraþjálfun Landspítala í Fossvogi óskar eftir sjúkraþjálfurum í tvö stöðugildi. Um er að ræða tímabundnar ráðningar til eins árs með möguleika á fastráðningu. Starfshlutfall er 80-100% eða eftir samkomulagi.

Sjúkraþjálfun Landspítala í Fossvogi óskar eftir sjúkraþjálfurum í tvö stöðugildi. Um er að ræða tímabundnar ráðningar til eins árs með möguleika á fastráðningu. Starfshlutfall er 80-100% eða eftir samkomulagi.

Ef þú vilt vinna með skemmtilegu fólki, öðlast breiða þekkingu innan fagsins, og verða hluti af öflugri liðsheild þá erum við að leita að þér. Mikil áhersla er lögð á færnimiðaða nálgun í þverfaglegri teymisvinnu og skilvirkar umbætur.

Sjúkraþjálfun í Fossvogi sinnir bráðadeildum og göngudeildum. Möguleiki er að sinna gæsluvöktum á kvöldin og um helgar.

Fríðindi í starfi eru m.a. samgöngusamningur, styttri vinnuvika o.fl.
Boðið verður upp á sérhæfða, markvissa þjálfun í störfin hjá sjúkraþjálfurum innan hverrar sérgreinar.

Helstu verkefni og ábyrgð
· Skoðun, mat og meðferð
· Skráning í sjúkraskrárkerfi
· Fræðsla til sjúklinga og aðstandenda
· Þátttaka í þverfaglegum teymum
· Þátttaka í fagþróun

Hæfnikröfur
· Íslenskt starfsleyfi sem sjúkraþjálfari
· Góð íslenskukunnátta
· Faglegur metnaður og ábyrgð í starfi
· Hæfni í mannlegum samskiptum og jákvætt viðmót
· Skipulagshæfni, frumkvæði og sjálfstæð vinnubrögð

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag sjúkraþjálfara hafa gert.
Tekið er mið af jafnréttisstefnu Landspítala við ráðningar á spítalanum.

Æskilegt að umsækjandi geti hafið störf sem fyrst eða eftir nánara samkomulagi.
Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað.

Landspítali er lifandi og fjölbreyttur vinnustaður þar sem yfir 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.
Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

STARFSHLUTFALL 80-100%

UMSÓKNARFRESTUR TIL OG MEÐ 30.06.2022

NÁNARI UPPLÝSINGAR
Þóra Björg Sigurþórsdóttir, thorabs@landspitali.is , 543 9136