Sjúkraþjálfari við Sjúkrahúsið á Akureyri

14.01.2022

Sjúkraþjálfari óskast til starfa við bráðadeildir Sjúkrahússins á Akureyri. Um framtíðarstarf er að ræða. Staðan er laus frá 1.febrúar 2022 eða eftir samkomulagi.

Sjúkraþjálfari óskast til starfa við bráðadeildir Sjúkrahússins á Akureyri. Um framtíðarstarf er að ræða. Staðan er laus frá 1.febrúar 2022 eða eftir samkomulagi. Faglegur yfirmaður er Lucienne ten Hoeve, yfirsjúkraþjálfari, forstöðulæknir er Arna Rún Óskarsdóttir.

Sjúkraþjálfarar við SAk starfa á tveimur starfsstöðvum, á bráðadeildum sjúkrahússins við Eyrarlandsveg og á Kristnesspítala þar sem fram fara endurhæfinga- og öldrunarlækningar.

Helstu verkefni og ábyrgð
Í starfinu felst almenn vinna sjúkraþjálfara í þverfaglegu umhverfi. Um fjölbreytt starf er að ræða, áhersla er lögð á góða þjónustu við skjólstæðinga, þverfaglegt samstarf og faglega þróun sjúkraþjálfunar.

Staðan sem um ræðir er við bráðadeildir en þó með þeim fyrirvara að hana getur þurft að flytja milli starfsstöðva. Verkleg kennsla nema í sjúkraþjálfun fer fram á Sjúkrahúsinu á Akureyri. Um er að ræða dagvinnu og einstaka vakt um helgar.

Hæfniskröfur
Umsækjendur skulu hafa fullgilt próf í sjúkraþjálfun og íslenskt starfsleyfi. Við ráðningu verður lögð áhersla á faglega þekkingu, reynslu og áhuga, sjálfstæði í vinnubrögðum og hæfileika í samskiptum og samvinnu.

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag sjúkraþjálfara hafa gert.

Umsóknum skal skilað rafrænt á vef sjúkrahússins www.sak.is
Umsóknum skulu fylgja ítarlegar upplýsingar um nám og starfsferil ásamt prófskírteinum og starfsleyfi.
Öllum umsóknum verður svarað þegar ákvörðun um ráðningu hefur verið tekin.
Við ráðningar í störf er tekið mið af jafnréttisstefnu sjúkrahússins, sem er reyklaus vinnustaður.

Gildi Sjúkrahússins á Akureyri eru: ÖRYGGI SAMVINNA FRAMSÆKNI.
Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi.
Áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Starfshlutfall er 75%

Umsóknarfrestur er til og með 18.01.2022

Nánari upplýsingar veitir
Lucienne ten Hoeve - lucienne@sak.is - 463-0100
Kristveig Atladóttir - kristveiga@sak.is - 463-0100
Arna Rún Óskarsdóttir - arnao@sak.is – 4630100