Sjúkraþjálfari við Sjúkrahúsið á Akureyri og Kristnesspítala

13.06.2022

Framtíðarstarf og afleysingarstarf í boði.

SAKFramtíðarstarf og afleysingarstarf í boði.

Komdu í lið með okkur! Áhugaverð og fjölbreytt störf með öflugri liðsheild.

Sjúkraþjálfari við endurhæfinga- og öldrunarlækningadeild á Kristnesspítala - Framtíðarstarf
Sjúkraþjálfari óskast til starfa í 75% starf við endurhæfinga- og öldrunarlækningadeild Sjúkrahússins á Akureyri á Kristnesspítala. Um framtíðarstarf er að ræða og er staðan laus nú þegar eða eftir samkomulagi. Faglegur yfirmaður er Lucienne ten Hoeve, yfirsjúkraþjálfari og forstöðulæknir er Arna Rún Óskarsdóttir.

Sjúkraþjálfarar við SAk starfa á tveimur starfsstöðvum, á bráðadeildum sjúkrahússins við Eyrarlandsveg og á Kristnesspítala þar sem fram fara endurhæfinga- og öldrunarlækningar.

Helstu verkefni og ábyrgð
Í starfinu felst almenn vinna sjúkraþjálfara við endurhæfingu í þverfaglegu umhverfi. Um fjölbreytt starf er að ræða, áhersla er lögð á góða þjónustu við skjólstæðinga, þverfaglegt samstarf og faglega þróun sjúkraþjálfunar.

Staðan sem um ræðir er við endurhæfinga- og öldrunarlækningadeild á Kristnesspítala en þó með þeim fyrirvara að hana getur þurft að flytja milli starfsstöðva. Um er að ræða dagvinnu og einstaka vakt um helgar við bráðadeildir sjúkrahússins. Verkleg kennsla nema í sjúkraþjálfun fer fram á Sjúkrahúsinu á Akureyri.

Sjúkraþjálfari við Sjúkrahúsið á Akureyri - Afleysingarstarf
Sjúkraþjálfari óskast til starfa við bráðadeildir Sjúkrahússins á Akureyri. Um 9 mánaða afleysingarstarf er að ræða og er staðan laus nú þegar eða eftir samkomulagi.

Faglegur yfirmaður er Lucienne ten Hoeve, yfirsjúkraþjálfari og forstöðulæknir er Arna Rún Óskarsdóttir.

Sjúkraþjálfarar við SAk starfa á tveimur starfsstöðvum, á bráðadeildum sjúkrahússins við Eyrarlandsveg og á Kristnesspítala þar sem fram fara endurhæfinga- og öldrunarlækningar.

Starfshlutfall er 50-100%

Helstu verkefni og ábyrgð
Í starfinu felst almenn vinna sjúkraþjálfara í þverfaglegu umhverfi. Um fjölbreytt starf er að ræða, áhersla er lögð á góða þjónustu við skjólstæðinga, þverfaglegt samstarf og faglega þróun sjúkraþjálfunar. Verkefni og ábyrgð eru í samræmi við reynslu.

Staðan sem um ræðir er við bráðadeildir. Um er að ræða dagvinnu og einstaka vakt um helgar ef reynsla er fyrir hendi.

Hæfniskröfur
Umsækjendur skulu hafa fullgilt próf í sjúkraþjálfun og íslenskt starfsleyfi. Við ráðningu verður lögð áhersla á faglega þekkingu, reynslu og áhuga, sjálfstæði í vinnubrögðum og hæfileika í samskiptum og samvinnu.

Frekari upplýsingar um störfin
Laun samkvæmt gildandi kjarasamningi sem fjármála- og efnahagsráðherra og Félag sjúkraþjálfara hafa gert.

Umsóknum skal skilað rafrænt á vef sjúkrahússins www.sak.is Umsóknum skulu fylgja ítarlegar upplýsingar um nám og starfsferil ásamt prófskírteinum og starfsleyfi. Öllum umsóknum verður svarað þegar ákvörðun um ráðningu hefur verið tekin. Við ráðningar í störf er tekið mið af jafnréttisstefnu sjúkrahússins, sem er reyklaus vinnustaður. Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum.

Gildi Sjúkrahússins á Akureyri eru: ÖRYGGI SAMVINNA FRAMSÆKNI

Sjúkrahúsið á Akureyri veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi.
Áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum staðli sem sjúkrahúsið er vottað eftir.

Nánari upplýsingar veitir
Lucienne ten Hoeve - lucienne@sak.is - 860-0547
Ragnhildur Jónsdóttir - ragnhildur@sak.is - 463-0100