Umsóknir og félagsgjöld
Félag sjúkraþjálfara er fag-stéttarfélag, og eru félagsgjöld deildaskipt. Fagdeildargjaldið (22.000 kr) er greitt í heimabanka í tveimur greiðslum á ári (mars og september), en kjaradeildargjaldið (stéttarfélagsgjaldið) er greitt mánaðarlega (1,1% af launum). Vinnuveitendur standa skil á gjaldinu fyrir hönd launþega en sjálfstætt starfandi sjúkraþjálfarar standa skil á því sjálfir og nota reiknað endurgjald sem launaviðmið (sjá leiðbeiningar hér að neðan).
Athugið að sé eingöngu um fagdeildaraðild að ræða er félagsgjaldið 25.000 kr á ári.
Hægt er að sækja um aðild að félaginu rafrænt hér undir flipanum "aðildarumsókn" í bláa rammanum til hægri
Rétt til félagsaðildar eiga allir sjúkraþjálfarar með íslenskt starfsleyfi. Nemar í sjúkraþjálfun hafa rétt til ungfélaga-aðildar án endurgjalds.
Félagsmenn sem greiða til kjaradeildar Félags sjúkraþjálfara eiga rétt á að greiða i sjóði BHM og njóta þess sem þeir hafa upp á að bjóða. Skylduþátttaka launagreiðenda í sjóðsgreiðslum fer eftir gildandi kjarasamningum. Sjálfstætt starfandi aðilar þurfa að velja sjálfir hvaða sjóði þeir greiða í.
Við hvetjum félagsfólk til að kynna sér réttindi sín og styrkmöguleika inn á http://www.bhm.is/styrkir-og-sjodir/. Fyrir frekari upplýsingar skal hafa samband við sjukrathjalfun@sjukrathjalfun.is eða sjodir@bhm.is.
Með aðild að kjaradeild Félags sjúkraþjálfara fær félagsfólk einnig aðgang að fræðsluefni BHM sbr. Viðburðir - BHM. Þar eru málþing, opnir fundir, námskeið og fyrirlestrar fyrir félaga og aðildarfélög BHM að kostnaðarlausu. Skráning fer fram í gegnum Innri síður BHM.
Einnig eiga þeir rétt á annarri þjónustu BHM s.s. fjölbreyttum námskeiðum af ýmsu tagi, sjá http://www.bhm.is/um-bhm/fraedsla/dagskrafraedslu/
Verktakar - upplýsingar um greiðslu félagsgjalda
BHM Rafræn skilagrein
Skilagrein (excel skjal)
Netfang fyrir skilagreinar: skilagreinar@bhm.is
Félag sjúkraþjálfara <> sjúkraþjálfun í 80 ár <> 1940 – 2020
