15 ára afmælisráðstefna Virk

31.5.2023

Í dag var haldin 15 ára afmælisráðstefna Virk starfsendurhæfingar. Guðmundur Ingi Guðbrandsson Félags- og vinnumarkaðsráðherra setti daginn og ræddi í stórum dráttum þær breytingar sem verið er að vinna í að koma inn í nýja löggjöf um örorku og endurhæfingarlífeyri. Hann segist bjartsýnn á að frumvarpið komi fyrir þingið í sumar.

Vigdís Jónsdóttir framkvæmdastjóri Virk fór yfir sögu virk í stuttu máli, en sjóðurinn hefur tekið miklum breytingum frá því hann var stofnaður 2018 þegar Vigdís var eini starfsmaðurinn, fram til dagsins í dag þegar fjöldi manns starfar hjá virk og um 21.000 manns hafa fengið þjónustu hjá Virk og 16.000 manns lokið þjónustu.

Margrét Linda Ásgrímsdóttir, deildarstjóri hjá Vinnumálastofnun kynnti margvíslega starfsemi stofnunarinnar, en þar stóð kanski helst upp úr sú nýbreytni að bendi skimunar- og greiningarlistar til þess að þörf sé á endurhæfingu (hjá þeim sem hafa verið á atvinnuleysisskrá lengur en í 12 mánuði) getur stofnunin nú vísað þessum einstaklingum beint til starfsendurhæfingar í virk án aðkomu heimilislæknis.

Gegnum gangandi þema í ávörpum dagsins er það að vinnustaðir og vinnuveitendur þurfa að taka sér stærra hlutverk í starfsendurhæfingu.

Dr. Emile Tompa ræddi svo um efnahagslegt tap þjóða af því að útiloka fólk með mismunandi færni af vinnumarkaðnum. Hann segir að í Kanada hafi mest athygli verið á það að gera fólk tilbúið í vinnun en það hefur ekki mikið verið unnið með að gera vinnustaði og vinnuveitendur tilbúna og í stakk búna að hafa fólk með mismunandi þarfir í vinnu. Ávarpið hans var áhrifaríkt og sýndi hann myndbönd af fólki með fatlanir sem hefur komist inn á vinnumarkað og verið tekið fagnandi sem verðmiklu starfsfólki vegna þeirra fötlunar og þeirra sérfræðiþekkingu sem henni fylgir.

Dr. Sandra Brouwer sagði frá hvernig. Starfsendurhæfingu er háttað í Hollandi, og þar er endurhæfingin samstarfsverkefni starfsmanns og vinnuveitanda. Þegar þetta fyrirkomulag var sett á fækkaði umsóknum um örorku margfalt. Þar í landi var byrjað á verkefni í starfsendurhæfingu þar sem litið var svo á að starfsendurhæfing væri tveggja ára ferli, þar sem ekki er fari í örorkumat fyrr en eftir um eitt og hálft ár, en áður var álitið að þröskuldurinn inn á örorku væri of lágur og hvatar og tækifæri til starfsendurhæfingar of lítil.

Jónína Waagfjörð fjallaði í sínu erindi um atvinnutengla Virk og benti á að allar rannsóknir í dag segja að því meira samband sem þú hefur við vinnustaðinn þinn því meiri líkur eru á því að þú komist aftur til vinnu – þetta er því gríðarlega mikilvægt verkefni. Þá talaði hún einnig um vinnu sem úrræði í starfsendurhæfingu og líklega verður það stór hluti af starfsendurhæfingu í framtíðinni.

Það er ljóst að tækifæri í starfsendurhæfingu eru ýmiss og mikilvægt að við höldum áfram að fygjast með framþróun í þessum vísindum til hagsbótar fyrir okkur öll. Við óskum Virk starfsendurhæfingu til hamingju með 15 ára afmælið!