Fundur með nýjum heilbrigðisráðherra
Fyrsta kynning til ráðherra um landslagið í sjúkraþjálfun
Fyrsta kynning til ráðherra um landslagið í sjúkraþjálfun
Unnur Pétursdóttir formaður og Gunnlaugur Már Briem varaformaður fengu fund með nýjum heilbrigðisráðherra, Willum Þór Þórssyni, í vikunni. Þetta var stuttur fjarfundur þar sem tilgangurinn var fyrst og fremst að kynna fyrir ráðherra landslagið er varðar sjúkraþjálfun í landinu og þau málefni sem brýnast er að hann sé upplýstur um.
Þau málefni sem tekin voru fyrir voru:
- Mönnunarvandi í sjúkraþjálfun hjá stofnunum ríkisins, með áherslu á Landspitalann
- Tækifærin sem aukin þjónusta sjúkraþjálfara í heilsugæslu getur skapað
- Hvernig beint aðgengi að sjúkraþjálfurum með greiðsluþátttöku SÍ er hagkvæmt fyrir alla aðila
- Staðan sem uppi er vegna samningsleysis sjálfstætt starfandi sjúkraþjálfara gagnvart SÍ
Þetta var stuttur en afar gagnlegur fundur og sagðist ráðherra í lokin vera mun fróðari um stöðu mála.
