Norrænn fundur Félaga Sjúkraþjálfara
Árlegur fundur félaga sjúkraþjálfara á Norðurlöndum fór fram í Reykjavík 19.-21. Apríl síðastliðinn þegar fulltrúar frá Norska, Sænska og Finnska félaginu heimsóttu FS í Borgartúni.
Aðal umræðu efni fundanna er staða fagsins og stéttarinnar á norðurlöndunum, sértækar og sameiginlegar áskorannir landanna og sameiginlegir alþjóðlegir hagsmunir. Þá eru ótaldar sameiginlegar áskoranir og tækifæri sem snerta okkur öll eins og heimsfaraldur Covid-19 og framþróun í veitingu heilbrigðisþjónustu.
Á fundinum í ár var áframhald af umræðu um fjar-heilbrigðisþjónustu frá síðasta fundi, þar sem kynnt var samantekt af vinnu samnorræns hóps sem fjallaði um stöðu veitingu fjar-sjúkraþjálfunar á Norðurlöndunum. Þá voru málefni nema innan félagana og sjálfstætt starfandi félaga einnig rædd, og fróðleik miðlað á milli landa.
Þá nýttu félögin tækifærið og ræddu um málefni sem verða til umræðu á aðalfundi heimssambands sjúkraþjálfara, WPT, í Dubai í maí.
Það er mikill styrkur fyrir FS að taka þátt í þessu öfluga norræna samstarfi, þar sem áskoranir og leiðir að lausnum eru oft á tíðum þær sömu. Við þökkum kærlega fyrir komuna, og fyrir skemmtilega og lærdómríka daga með fulltrúum sjúkraþjálfunar á Norðurlöndum.
