Sjúkraþjálfari í heilsueflandi móttöku

Heilsugæslan á Kirkjusandi auglýsir eftir sjúkraþjálfara í 10% starf hreyfistjóra í frábæru teymi heilsueflandi móttöku.

Heilsugæslan er einkarekin stöð sem býður upp á góðan starfsanda og góða starfsaðstöðu, en stöðin flutti í nýtt og glæsilegt húsnæði í 105 Reykjavík, árið 2022.

Í boði er starf á líflegum og ört vaxandi vinnustað þar sem áhersla er lögð á persónulega þjónustu við okkar skjólstæðinga ásamt góðri samvinnu milli starfsstétta.

Helstu verkefni og ábyrgð

• Starf hreyfistjóra felst í gerð og eftirfylgd hreyfiáætlunar einstaklinga, eftir ávísun á hreyfiseðil.  Þetta er unnið í þverfaglegu samstarfi í heilsueflandi móttöku heilsugæslunnar. 

Menntunar- og hæfniskröfur

• Íslenskt starfsleyfi í sjúkraþjálfun
• Þekking eða reynsla af notkun hreyfiseðla er kostur
• Reynsla af sjúkraþjálfun
• Stundvísi og áreiðanleiki
• Góð íslenskukunnátta
• Framúrskarandi samskiptahæfni og sveigjanleiki
• Færni í þverfaglegu samstarfi
• Góð almenn tölvukunnátta

Vinsamlega sendið umsókn um starfið, ásamt starfsferilsskrá hér á Alfreð.

Nánari upplýsingar veitir Oddur Steinarsson, framkvæmdstjóri á oddur@hgkirkjusandi.is og í síma 5951300.

Vinnufyrirkomulag og starfskjör samkvæmt samkomulagi.

Sjúkraþjálfari - Heilsugæslan Hlíðum

Heilsugæslan Hlíðum leitar að metnaðarfullum og áhugasömum sjúkraþjálfara til starfa við hreyfiseðla- og stoðkerfismóttöku. Um er að ræða 20% ótímabundið starf og er æskilegt að viðkomandi geti hafið störf sem fyrst eða eftir nánara samkomulagi.

Í Hlíðum starfar öflugur hópur sérhæfðs og metnaðarfulls starfsfólks. Við leggjum áherslu á gott og hvetjandi starfsumhverfi þar sem fagmennska, samstarf og góður starfsandi eru í fyrirrúmi og starfsfólk fær svigrúm til að sýna frumkvæði og sjálfstæði í starfi.

Heilsugæsla höfuðborgarsvæðisins veitir íbúum aðgengilega, samfellda og alhliða heilbrigðisþjónustu. Hjá okkur starfar fjölbreyttur hópur fagfólks þar sem áhersla er lögð á öflugt þverfaglegt samstarf og sameiginlegt markmið um að stuðla að bættri heilsu og vellíðan í samfélaginu. Nánari upplýsingar um starfsemi stöðvarinnar má finna á vef Heilsugæslunnar (Heilsugæsla höfuðborgarsvæðisins).

Helstu verkefni og ábyrgð

• Tekur á móti skjólstæðingum sem hafa fengið uppáskrifaðan hreyfiseðil frá heilbrigðisstarfsmanni og framkvæmir viðeigandi mælingar, setur upp hreyfiáætlun í samráði við skjólstæðing og fylgir henni eftir
• Metur, greinir og veitir ráðgjöf varðandi stoðkerfisvanda skjólstæðinga
• Skráir og fylgir eftir meðferð skjólstæðinga
• Nýtir faglega þekkingu til að forgangsraða og leysa viðfangsefni
• Veitir fræðslu til starfsfólks heilsugæslunnar
• Leiðbeinir samstarfsfólki

Hæfniskröfur

• Löggilt sjúkraþjálfarapróf 
• Þriggja ára starfsreynsla sem sjúkraþjálfari æskileg
• Þekking á áhugahvetjandi samtalstækni
• Mikil hæfni í mannlegum samskiptum
• Góð íslensku og enskukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn skal fylgja ítarleg náms- og starfsferilskrá og kynningarbréf þar sem gerð er grein fyrir ástæðu umsóknar. Leggja skal fram staðfestar upplýsingar um menntun, fyrri störf og reynslu. Gögn sem ekki er hægt að senda rafrænt skulu berast Katli Berg Magnússyni, framkvæmdarstjóra mannauðs Heilsugæslu höfuðborgarsvæðisins, Álfabakka 16, 109 Reykjavík. HH áskilur sér rétt til þess að óska eftir hreinu sakavottorði.

Mat á hæfni umsækjenda byggist á innsendum gögnum og viðtölum við umsækjendur. Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu í starfið. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði.

Starfshlutfall er 20%

Umsóknarfrestur er til og með 15.10.2026

Nánari upplýsingar veitir Hildur Svavarsdóttir, Forstöðumaður - hildur.svavarsdottir@heilsugaeslan.is - 513 5900 Anna Ólafsdóttir, Fagstjóri hjúkrunar - anna.olafsdottir@heilsugaeslan.is - 513 5900

Sett inn 18. september

Vegna aukinna verkefna leitar Stuðlaberg heilbrigðistækni ehf. að heilbrigðismenntuðum söluráðgjafa með áherslu á ráðgjöf og þjónustu á hjálpartækjum og þrýstingsvörum í samning við Sjúkratryggingar Íslands.

Um er að ræða ráðgjöf og sölu á hjólastólum, vinnustólum, sessum og tengdum búnaði. Auk þess mun viðkomandi sinna móttöku viðskiptavina í mælingar og ráðgjöf á þrýstingsvörum í samstarfi við aðra í teyminu. Viðkomandi mun bætast við samheldið teymi reynslumikilla sérfræðinga í velferðar- og heilbrigðistækni.

Helstu verkefni og ábyrgð

• Ráðgjöf og sala á hjólastólum, vinnustólum og sessum
• Ráðgjöf og mælingar á þrýstingsfatnaði, vafningum og aðgerðarfatnaði
• Innkaup og samskipti við erlenda birgja
• Þátttaka í vörukynningum, vinnustofum og vörusýningum.
• Útboðsgerð í samvinnu við teymið. 

Menntunar- og hæfniskröfur

• Háskólamenntun á heilbrigðissviði æskilegt.
• Reynsla af söluráðgjöf kostur.
• Fagleg vinnubrögð og skipulag
• Rík þjónustulund og nærgætni
• Sjálfstæð og lausnamiðuð vinnubrögð

Umsóknarfrestur er til 14. september 2026. Ferilskrá með mynd skal fylgja umsókn. Farið er með allar umsóknir sem trúnaðarmál.

Um er að ræða fullt starf á starfsstöð félagsins að Stórhöfða 25, Reykjavík. Móttaka viðskiptavina er á 2. hæð og bjóðum við viðskiptavinum okkar upp á hlýlegt umhverfi og gott næði í afgreiðslu.

Stuðlaberg heilbrigðistækni ehf. er rótgróið þjónustufyrirtæki á heilbrigðissviði sem býður fagaðilum og almenningi vandaðar heilbrigðisvörur og faglega ráðgjöf.

Fjölskyldufyrirtækin Stuðlaberg og Eirberg hafa stutt við bætta heilsu viðskiptavina sinna í 25 ár. Fyrirtækin byggja á traustum faglegum grunni á heilbrigðissviði en meðal starfsfólks eru hjúkrunarfræðingur, iðjuþjálfi, sjúkraþjálfari, þroskaþjálfi og aðrir sérfræðingar í velferðartækni.

Birt 11.09.2026

Ný sjúkraþjálfunarstofa mun opna á Selfossi og byrja starfsemi sína í janúar 2027.

Fyrirhuguð innrétting eru fjögur meðhöndlunarherbergi, tækjasalur og 120 fermetra salur fyrir meðal annars hópþjálfun.

Það er mikill aðgangur að skjólstæðingum á svæðinu, biðlisti er upp í 12 mánuðir hjá starfandi stöðvum.

Við auglýsum því eftir sjúkraþjálfurum sem hafa áhuga á því að starfa sjálfstætt í 50-100% starfshlutfalli.

Stofan mun sjá um símavörslu, skráningar og almenna leiðbeiningar fyrir þá sem ekki hafa starfað með tölvuforritið Gagna eða verið í samskiptum við stofnanir eins og Sjúkratryggingar Íslands

Við svörum öllum umsóknum og veitum nánari upplýsingar í gegnum neffangið: sjukratjalfunarborgar@gmail.com

Auglýsing birt 15.07.2026