Gross Motor Function Measure (GMFM)

Lýsing

Prófið er notað til að meta grófhreyfifærni og er skipt í fimm mismunandi grófhreyfihluta.


Það eru til tvær útgáfur af GMFM; upphaflega 88 atriða útgáfan (GMFM-88) og nýrri útgáfa sem er með 66 atriðum (GMFM-66). Prófinu er notað til að meta grófhreyfifærni og er skipt í fimm mismunandi grófhreyfihluta:

  1. Liggja og velta sér
  2. Sitja
  3. Skríða og standa á hnjám
  4. Standa
  5. Ganga, hlaupa og hopp

GMFM-66 útgáfan var fengin með Rasch tölfræðigreiningu á GMFM -88 prófinu. Með Rasch greiningunni var raðkvarða prófsins breytt í þrepakvarða sem gerir túlkun niðurstaðna auðveldari. GMFM-66 gefur nákvæmar upplýsingar um hversu erfitt hvert atriði er og hjálpar þar af leiðandi betur við markmiðsetningu.


Höfundar:


  • Þýtt á íslensku: Björg Guðjónsdóttir, og Unnur Árnadóttir. Hægt er að nálgast íslensku þýðinguna hjá Björgu thbjorg@hi.is


Markhópur

GMFM-88 var þróað fyrir börn með CP en sýnt hefur verið fram á notagildi þess fyrir börn með Downs heilkenni. GMFM-66 er aðeins hægt að nota fyrir börn með CP.


Hægt er nota annaðhvort 88 atriða eða 66 atriða útgáfuna til að meta börn með CP. Munurinn felst í fjölda atriða og hvernig gögnin eru greind eftir að prófið hefur verið lagt fyrir.


Útbúnaður

Tæki sem til eru á sjúkraþjálfarastöðvum (dýna, bekkur, leikföng), handbók, prófhefti og tölvuforrit (Gross Motor Ability Estimator eða GMAE) sem nauðsynlegt til að reikna út stig fyrir GMFM-66.


Tími

45–60 mínútur að leggja GMFM-88 fyrir barn. GMFM-66 tekur styttri tíma.

Niðurstöður

Prófið er markbundið (criterion-referenced) þ.e. breytingar (framför eða afturför) á getu barnsins eru metnar með því að bera saman mælingar frá einum tímapunkti til annars. Niðurstaðan er gefin upp í prósentum þar sem 100% svarar til grunnhreyfigetu 5 ára heilbrigðs barns.