This is a subtitle for your new post

Aðalfundur Norðurlandsdeildar Félags sjúkraþjálfara fór fram þann 25. mars síðastliðinn á Húsavík. Fundurinn var vel sóttur af félagsfólki og ríkti góð stemning þar sem sköpuðust bæði skemmtilegar og líflegar umræður um fagið og málefni félagsins.



Að venju var dagskráin fjölbreytt og fræðandi. Fyrirlesarar fundarins að þessu sinni voru Arna Steinarsdóttir, fagstjóri sjúkraþjálfunar hjá Þróunarmiðstöð íslenskrar heilsugæslu, og Gunnlaugur Briem, formaður Félags sjúkraþjálfara. Fluttu þau áhugaverð erindi sem vöktu mikla athygli og góðar umræður meðal fundargesta.

Félag sjúkraþjálfara þakkar öllum þeim sem mættu og tóku þátt í fundinum og hlakkar til áframhaldandi samstarfs á komandi misserum.